|
|
Gio 11 Giu 2009 - 12:30 - Oggetto: Re: FILASTROCCHE E TIRITERE GIRIFALCESI |
|
falco
|
Chiova, chiova, chjova,
e la gatta mangia l’ova
e lu sùricia si marita
cu na cuoppula de sita.
Vicianzu, puacu ti pianzu,
puocu ti stimu,
si parri ti minu.
Pecurarieddu cu setta ricuatti,
vai a la missa mu t'inginuacchi
e pua suani lu tamburinu,
pecurarieddu malandrinu.
La vecchia quand’è vecchia
Lu culu li s’arripicchia
Lu culu li fha pu pu
E la vecchia no vala cchiù
Setta mazzi de canni cuzzati,
cuzzati canni pe setta mazzi.
Sutta lu liettu de ziamma Cicca
nc'è 'nu piattu de mmerda sicca,
cu parra u primu si la licca.
cummara chiamati sta gaddhina
ca a mia mi nocia stu carcariara
SCIOGLILINGUA X FORESTIERI
Aju mu vau mu viju duva aju mu vau mu juocu.
Si avimu mu ni nda jamu jamuninda, si no avimu mu ni nda jamu non ni nda jamu cchjù
Apara lu stipu e pigghia u specchiu, posa u' specchiu e chiuda lu stipu.
Supa nu palazzu ncè nu cana pacciu, tè pacciu cana stu piezzu di pana
Turi, tira u tiratura ca lu tirettu no si tira, Turi!
A lu puzzu de li pacci na paccia lavava li piezzi ripezzati. Jiu nu pacciu e jettau la paccia cu tutti li piezzi ripezzati ntra lu puzzu de li pacci.
|
|
GLI ALTRI DATI E LE FUNZIONALITÀ AVANZATE SONO ACCESSIBILI SOLO AGLI UTENTI REGISTRATI. Per una migliore esperienza sul Forum senza limitazioni, REGISTRATI ora, fornendo dati REALI. |
|
|
|
|